Hüüt weren se wedder togang – düttmal hebbt de Kinners vun’t Städtische Gymnasium sik in Mölln gegen de Konkurrenz ünner Bewies stellt.

Dorbi hett Karl Koll mit de Geschicht „Wi hebbt to Huus en Katt“ en bannig feinen 2. Platz bi de 5. bet 7. Klaas makt. Jessica Urbschat het sik mal wedder as en proovten Plattschnacker in dat Öller 8. bet 10. Klaas wiest un hett den 1. Platz mit de Geschicht „Dükern“ makt. Se gaht nu an‘n 08. Juni na Niemünster an de Nedderdüütsche Bühn to’n Landeswettstriet und ward ehr School to’n letzten Mal vertreden. Drückt wi ehr de Dumen!

Mit vun de Partie wehr ok de Dahlmann-School mit ehr dulle Plattschnakerin Merle Santen. Dormit wehrn de Seebarger Schoolen mit all ehr Kraasch dorbi un hebbt wiest, wat dat heet, wenn vendaag Kinners Platt schnackt: in Seebarg is Tohören en bannig Vergnögen!